• 月老的紅線

    撰文:靖嵐

    今次小個案的主角是我自己。

    話說認識我的人都知道, 我的感情生活時好時壞, 長的有十多年感情, 短的一兩個月吧, 雖然身邊從不缺伴侶, 但總與幸福差一點 點距離。

    於2011年初, 感情又開始反覆, 心情不好便找好朋友傾訴一下, 人選自然同樣是”單身”的流料Roy, 為何要寫明”單身”, 那要問問流料Roy先生了, 哈哈.

    流料Roy的確是一個很好的朋友, 不斷找我飲飲食食, 還不時作”紅娘”介紹不少朋友給我認識, 2011年八月, 書展後的一個月, 當時還是基督徒的他, 竟然介紹我參加月老法會, 碰碰機會。 對我來說也不妨一試, 十分厭倦這些爛桃花, 離離合合, 順便了結左當時的那段”姻緣”也不錯, 免得浪費時間。

    2011年9月11日, 對我來說是一個大改變, 月老法會舉行了, 而我亦找到我終身的伴侶, 2013年1月我倆結成夫婦, 不知道這是否眾人口中的幸福, 但我肯定的是從來没有經歷過的快樂~

    我希望我身邊每一個朋友, 都可以跟我一樣, 快樂 ^.^

  • 強勁的魔法師

    撰文:靖嵐

    大約半年前的一天, 電話響起~
    客:你好, 請問係唔係靈緣居?
    我:係呀, 有咩可以幫到你呢?
    客:我想問一下關於XX法事, 你地有冇?
    我:唔好意思, 我地唔提供依種法事, 依方面我地會見意一切隨緣~
    客:噢~我明白了, 謝謝~
    我:唔好客氣, 有乜嘢問題儘管聯絡我地吖~

    半年後的一天, 電話又再響起~
    客:你好, 請問係唔係靈緣居?
    我:係呀, 有咩可以幫到你呢?
    客:你係唔係上次接過我電話果個女仔? 我之前打過嚟問XX法事架~
    我:哦~我記得你呀, 我叫靖嵐, 請問點稱呼你?
    客:我叫candy. 其實今次我有好多問題想問你, 請問你方便嗎?
    我:冇問題吖, 請講~
    Candy:其實, 上次我打比你果時已經搵到師傳做法事, 法事做左之後好似發生左好多問題~我不斷出入醫院, 醫生又搵唔到我咩事; 因為我不斷病, 工作冇左, 搵到新工作又返唔長, 夜晚又瞓唔到, 我好辛苦, 好驚呀~ 你地有冇啲咩符可以啱我用架?
    我:咁, 你最想係要幫到你乜嘢嘅符?
    Candy:我都唔知呀, 咩都好啦~
    我:不如咁啦, 你先上壇, 先問一下神數, 睇下發生咩事, 我地先再睇下係邊方面著手~
    Candy:好呀

    三日後, Candy到神壇問神數~
    神數顯示Candy屬過份憂慮, 心緒不寧, 血氣不足而已。但同時師傅察覺到Candy身上陰氣極重, 雙目無神, 可能跟早前找師傅做的法事有關, 因Candy亦極度擔心法事後的後遺症, 加重她的精神壓力, 師傅即刻為Candy灑淨驅邪, 同時因Candy失去工作, 没有收入, 所以亦請了求職開運符筒。

    兩小時後, Candy再致電給我
    Candy:係我呀, Candy呀~
    我:Hello Candy, 有咩幫到你呀?
    Candy:我咪啱啱係壇走嘅, 咁走左之後我去搵左個朋友, 佢係占塔羅嘅, 我不嬲都問開佢, 今日離開壇之後, 我又八卦去搵我朋友問下塔羅, 真係好神奇呀, 平時佢開親啲牌都係唔好嘅, 今日佢竟然話我啲運突然間變晒, 出左張魔術師, 佢話我背後有一個好勁嘅魔法師幫緊我, 一定係你地啦!
    我:哈哈, 咁勁, 好勁嘅魔法師, 咁應該係祖師爺啦
    Candy:即係都係你地啦, 好希望奇蹟快啲出現, 我真係想返工呀!

    ~一個月後~
    Candy 再次致電
    Candy:係我呀, Candy呀~
    我:Candy, 你點呀依排? 好啲未呀?
    Candy:喂, 我有朋友要搵你地問神數呀~
    我:好呀, 冇問題吖, 謝謝你, 咁你依排好啲未呀?
    Candy: 嘩!掂呀! 唔係都唔會介紹朋友嚟搵你地啦, 我依家瞓得好好, 咩事都冇, 重搵到份好好嘅工作, 上市公司嚟架, 你地真係好得呀!
    我:哈哈, 咁就好啦, 最緊要幫到手, 我稍後安排到你朋友上壇問卦時間再通知你啦.
    Candy:好呀, 唔該晒, 我會介紹多啲朋友嚟搵你地.
    我:多謝你呀~

  • 掉下懸崖的車

    撰文:靖嵐

    掉下懸崖的車

    一個由師公覆述的個案。很多年前, 師公一徒弟夜深回家, 駕著自己的私家車, 途經黃麻角道, 此道路的確危險, 兩線雙程來回行車, 車燈開大一點也自不到前面的彎路, 一邊是山坡, 另一邊是懸崖, 偶有不慎, 真是凶多吉少, 不知怎的, 來回走了不知多少轉的亞凡, 這晚不知是因為太累, 還是天雨路滑, 車輛突然失控, 直衝懸崖。

    翌日早上, 警方連同起吊機前往出事現場, 將車輛從懸崖吊上來, 發現駕駛者並不在座位內, 樹枝更從四方八面插進駕駛者位置, 擋風玻璃及車門玻璃盡碎, 亦可能因此, 肇事車輛才不至於跌到山腳, 搖搖欲墜的掛在懸崖邊。

    警員:司機呢? 司機在哪? 是否送到醫院急救中?
    報案人:司機? 我便是司機哦~ 這車是我的.
    警員:怎~可~能?
    亞凡:昨晚, 我就是從這懸崖爬上來。

    原來當晚亞凡的車輛直衝懸崖的時候, 隨後的軍車目睹意外發生, 各軍人立即上前視察情況。軍人們開著大光燈向下一照, 看見亞凡已從車箱逃出, 並努力向上爬, 各軍人便合力將亞凡救起。因没有人命傷亡, 這並不是軍人職責範疇, 軍隊便隨車離去, 亞凡有待天光才報案。而亞凡不單没有生命危險, 更只是擦傷手腳, 又是另一祖師保佑弟子的實例。

  • 紅色的房間

    撰文:靖嵐

    去年有客人致電上壇。
    客:師傅, 我有位家人比邪靈附身, 可以幫助我嗎?
    師:可以, 你帶到他上來就可以啦~
    客:他正在發癲中, 我試一試

    客人再没有聯絡師傅, 緣份未到没有辦法哦~
    翌日~客人再次來電

    客:師傅, 他已送到醫院去, 我請了很多師傅, 有些說他被勾魂, 有些說他得罪了地藏王菩薩, 求求你到來幫他一下, 醫生要他轉入精神病院了。

    師傅到了醫院, 看見有不同師傅在誦經及作法, 病者仍在床上手舞足動, 師傅唯有誰家人讓其他法師們讓開一下, 好令師傅下法。
    師傅在病人前, 用法指下了咒語, 一會兒病人便安定下來。師傅觀察了一會, 便道:這位病人並非任何惡魔附身, 更不是什麼得罪了地藏王菩薩, 菩薩會害人的嗎? 還是到你家中看看吧~

    客人便帶師傅到家中看看情況, 一看便知道問題所在。原來這位病人極喜歡紅色, 他將自己的房間佈置全以紅色為主, 加上病人近日思念往生親人, 情緒極為不穩, 又常稱能與靈魂溝通。師傅隨即令客人立即將房間顏色更換, 然後便回壇為病人上香。

    翌日, 客人再次來電~
    客:師傅, 照你分附, 已將他的房間除去紅色, 而病人亦已於黃昏出院回家了, 謝謝你, 十分感恩.
    師:不用客氣, 乃是緣份, 不要再迷信了。

  • 寵物超渡

    撰文:晉華師兄

    一直有很多朋友問我,如果自己的寵物死後,會否回魂及當火化後可否帶回家安放等問題!
    其實眾生都有靈魂,當牠們離世後都會有回魂,只是牠們的靈力沒有人那麼強,所以我們很難感應到是否已回魂。
    我也有一個真實小個案,這次是發生在我家身上。我家曾養了一隻毛小孩十多年,於早兩年牠因年老離世,但當牠離世後約三四天左右,我父親坐在寫字枱工作時,突然感應到牠在腳邊來回掃了幾下,我相信應是牠回魂時而被我父親感應到。之後我父親就六壬法科為牠做了超渡法事並安放於地主中,靜待投胎機會。

    當然寵物骨灰本是陰物,如未經法科處理,根本不宜安放家居之中,這會令家居漸漸聚陰,如遇上家宅風水或人運欠佳,很易受到陰氣所侵,令居於此屋之人健康、運氣不佳,甚致有意外或家人不和等情況出現。

    當愛寵過身後,其實可有幾種方法處理

    1. 找一個公園或郊野公園把其骨灰撤於樹下
    2. 可安放於寵物靈位中
    3. 經六壬法科超渡後,把骨灰安放家居之中,主人協助牠修福德,待機投胎轉世。

    (六壬法科靈寵超渡是家父不外傳之法門,暫時只傳我及我另一位師弟二人,曾聽聞有人借家父之名並收取昂貴費用為信仕做此法事,因此各位選擇師傅時必須格外小心)

  • 搵工3

    華師兄話我打出嚟嘅case一啲都唔精彩, 我真係將對話打返晒出嚟, 唔識點精彩=.= 今次唔打住, 要進修一下點樣打會好睇啲, 今次大家睇住圖先~
    朋友仔, 本來應承你打出嚟, 但po左..希望唔好介意. ^3^

  • 搵工2

    撰文:靖嵐

    再嚟一個小個案~
    電話響~
    客:喂~你好, 係咪加德士? 係我呀, 上次請符筒比朋友果個呢~
    我:哦~你好呀~你朋友做得開心嘛?
    客:佢做得好好呀~今次到我~
    我:你? 咩事呀?
    客:我做得好唔開心, 好想轉工呀, 我已經寄晒信架啦~
    我:哦~你都想請個符筒轉工?
    客:係呀~
    我:冇問題吖~你比你資料我, 3-5日可以啦~

    兩日後~
    客:我可唔可以快啲攞到符筒呀? 我星期一interview啦~
    我:好! 你星期日嚟攞!

    五日後~
    客:死啦~仲未有消息呀~
    我:你好似星期一先見架?
    客:係呀~星期一見完, 星期二打比我同再用電話interview, 好驚呀~
    我:咁都未夠一個星期, 可能佢地啲嘢係慢啲咁啫~唔好急~

    Interview 後1個星期
    客:佢仲未打比我呀~我好唔好打去HR問呀? 好驚呀~
    我:嗯~依間係大公司, 可能會耐D架, 唔洗擔心
    客:但我真係好想好想入依間公司呀
    我:嗯~其實你唔好介意, 我頭先即刻幫你起左支卦, 依間公司請你機會好大, 只係需要較長時間, 唔好擔心啦~
    客:係咪真架? 你識起卦?
    我:係呀~支卦係咁講, 你唔好急啦~

    Interview後兩星期
    客:佢地終於請左我啦!
    我:恭喜晒呀! 都話你得架啦!
    客:不過……
    我:咩事呀?
    客:而家公司兩個老闆都親自打比我加我人工叫我留底…
    我:嗯~咁…你似乎要認真問下卦, 睇下邊間好~
    客:好~咁我聽日落嚟搵你地~
    我:好呀~聽日見啦~

  • 搵工1

    撰文:靖嵐

    電話響~
    客:喂, 你好, 係咪靈緣居?
    我:係呀~你好!有咩可以幫到你?
    客:嗯, 我想問下有冇嘢可以幫我朋友搵到工架?
    我:請問佢有冇keep住寄信同見工? 如果有既話,我地會有法器幫到手, 但一定要留意, 請左法器,如果唔keep住寄信同見工,就會效果唔大啵~
    客:有呀, 有呀, 有寄信有見工, 但請佢嘅, 又唔啱人工, 佢鐘意嘅又唔請佢, 維持左3年啦, 我媽咪話佢再搵唔到工, 就要我同佢分手..嗚…
    我:好,明白晒, 咁你有時間可以隨時過嚟搵我啦…

    旺角舖內~
    客:帶依個符筒就得架嗱? 會搵到好工?
    我:如果佢繼續努力, 搵工, 見工, 而佢又唔係奢望不切實際嘅回報, 問題唔大吖~
    客:咁~ (下省千字問題及解釋)

    兩星期後, 電話又響~
    客:係我呀!!!!!
    我:你好,依排點呀?
    客:好開心呀!!!!!! 有間上市公司請左佢啦!!!!
    我:恭喜晒呀! 咁你媽咪唔會再迫你同佢分手啦, 咁咪好囉~
    客:係呀! 真係多謝你呀!
    我:唔關我事, 係祖師爺既法利害, 最重要係你朋友真係有努力去做, 唔係都唔會咁快啦, 係咪?
    (下省千字閒談) ^.^